(( والله محد سكن عيوني غيرك))
أغلى القصيد أقدّمه لجل عينيك
وأهدي لك من بحور الأشعار ** درّه **
واصوغ .. عذب أبيات شعري ل ترضيك
ياللي يمين .. أيسر كتوفي .. [ مقرّه ]
من بدّ كل الناس يا خلّي أغليك
ومشاعري على الغلا [ مستمرّه ]
والله محدٍ في .. عيوني .. [ يساويك]
وعذالك ما يسوون {’’ مثقال ذرّه ’’
أهواك .. وارسم في خيالي معانيك
وأتبع غرامك .. مثل تبّاع جرّه
تاهت حروف الوصف حين ابتدت فيك
مرّة تصيب .. وتخطي ألفين مرّه
كل ** .. الوصوف المبهره .. ** ما توفّيك
حتى الحروف تقول :/ لله درّه !!
لبّى .. عيونك وابتسامات اشافيك
يالله عساك لعين [ .. مغليك .. ]قرّه
يا ( نور عيني ) جعل ربي يخلّيك
وجور الزمان .. الله يكفيك شرّه
على طريق الوصل ثبّت خطاويك
ودرب بالجفا .. راع الوفا ما يمرّه
أشتاق لك لا غبت وأفقدك وأبكيك
وأشكي من الفرقا وفرقاك مرّه
وإن جابوا العربان فالهرج طاريك
يفزّ | .. قلبي .. |كن شيٍ يجرّه
حتى .. دموعي .. في غيابك تناديك
كنْها تعاتب "" غيبتك "" وتّشرّه
ما أعرف في غيابك سوى قولة ( آبيك )
ولا كل رجالٍ .. ’’ زمانه ’’ يبرّه
ولا ضاق صدري .. من عنا وقتي أجيك
وشوفتك … مفتاح السعد والمسرّه
وليا [ .. تكدّر خاطرك .. ] جيت أسلّيك
وأبعدك … عن جوّ الكدر والمضرّه
ولا صرت ( جنبي )وضمت يديني يديك
كني ملكت الكون بحره … وبرّه
وأنت وأنا ما بين هذي .. وهاذيك
أعظم ( ..حكاية ودّ .. ) تحت المجرّه
تعطيني أصدق صافي الحب .. وأعطيك
قلبٍ { شياطين الحسد** .. ما تغرّه
وإن كان قاموا يهرجون |الصعاليك |
سَفْه السفيه [ أحسن طريقة تحرّه ]
وهرج العواذل .. لا يهمك ويشقيك
عرّضْه [ .. لهبوب الرياح .. ] وتذرّه
( أغلى بيوتي ) صغتها لجل عينيك
وقدّمت | .. لك .. | من بحر الأشعار درّه.,,