اليوم حبيت اقدم لكم طريقة سهلة وحلوة في تحضير الاكلة الشعبية المفضلة لمعظم الشباب ( عيش مكبوس بالدجاج ) طريقة سهلة ان شاء الله
وجبة ل 3 او 4 اشخاص على الطريقة العزابية ^_^
المقادير
1- كوب ونصف او كوبين رز حسب الطلب ( عيش )
2- ملعقة شاي وربع ملح
3- حبتين طماطم ,, 1 حبة بصل ,, 2 حبتين بطاطا .
4- بهارات مخلوطة ( قرفة , فلفل اسود , كركم , هيل , زنجبيل , كزبرة يابسة مطحونة) وممكن اي بهارات خاصة بالتبزير موجودة عندكم
5- دجاج كاملة 1200 جرام او حسب الطلب
6- مكعب 1 ماجي .. ( شي مكعبات صغار او نستخدم نصف المكعب العادي الموجود فالاسواق الخليجية ) ممكن الاستغناء عنه ايضا
7- معجون طماطم ( صلصل ) علبة صغيرة واحدة
8- 1 فلفل حااار , 1 فلفل بارد رومي ,, هيل غير مطحون
طريقة التحضير :
1- نغسل الرز (العيش) جيدا عالاقل 4 مرات و نغسل الدجاج وننظفه زين من الدم واي شي غير مرغوب فيه
2- نحط الطنجرة ( القدر ) والمقلاه على النار بعد غسلهم جيدا
3- نضيف زيت فالمقلاه لكي يسخن .. و نقطع البطاط والبصل والطماطم ونخلي كل نوع فصحن
4- نبزر الدجاج جيدا
5- نقلي البطاط اولا .. ثم نخرجه , ثم نقلي البصل ونحمره شوي ثم نقلي الطماط شوي وممكن نضيف للطماطم شوي ملح اثناء القلي ثم نضعهم كلهم بصحن واحد او على حدا ما يفرق
6-لما يحمي القدر ,, نضع الدجاج المبزر فيه ونصف القطع بحيث يكون الجزء السفلي هو اللي فيه العظم مثل قطعة الصدر والظهر ,, ونغطي على القدر ونتركه لمدة ربع ساعة تقريبا .( و ممكن نضيف زيت شوي فالقدر قبل ما نحط الدجاج وننتبه للدجاج عن يحترق لانه بينطبخ فالبخار .. في حالة نشف الماي ( اللي بيطلع من قطع الدجاج نفسه) ممكن نضيف فالقدر ماي ساخن كوب او نصف كوب ونغطيه مرة ثانية
7- بعد ما يستوي الدجاج نطلعه .. وممكن ونقليه بالزيت اذا كان شوي عشان يعطينا لون قريب للاحمر
8- نسخن ماي فالقدر بس نسوي قياس وما نضيف ماي واايد ,, نضيف له الطماطم والبصل والبطاط المقلي + ملعقة وربع ملح + شوي بهارات وزنجبيل مطحون ( نص ملعقة ) + معجون الطماطم ونخلطهم جيدا ونضيف الفلفل البارد والحار مقطع صغار وبعض حبات الهيل
9- بعد ربع ساعة الى 25 دقيقة ,, نضيف الرز فالصالونه اللي سويناها وبعد 10 دقايق تقريبا ونخلى القدر على نار هادية عشان لا يحترق العيش ويكون القدر مغطاي ( هنا مكن نضيف الدجاج فوق الرز ويظل كذا ساخن وجهز للاكل)
( طبعا الصالونة بتكون جاهزة ,,, ممكن نطبخ الرز وحدة ويكون عيش ابيض وصالونة دجاج )
10- بعد 20 دقيقة تقريبا يكون الاكل جاهز ونقفل النار ونخلي القدر من 5 الى 10 دقايق تقريبا ثم عليكم بالعافية وبالهنا والشفا ان شاء الله
اترككم مع الصور .. السموحة ما صورت الخطوة الخامسة
وصحتين وعااافية ^_^
تحياتي