هذه قصيدة لصديقي العزيز " شاعر العين" من دولة الإمارات طرحها في أحد المنتديات
جـيتك في ثاني العيد ودي أعلمْك
ان الذي يضحك له اشهور مهموم
كـلـه تصّنع خوفـي الحال يأَلمْك
ولا الصحيح العيـن ما تعرف النوم
مشتاق انا لك كيف يمكن اكلمْك
وانا الذي معتاد اسمعك كل يوم
ياكيف غيري صار هالوقت يلزمْك
وياخذ مكاني منك كيـف هاليوم
بعـثرتني ونسـيت من هو يلملمْك
ونسـيت خلك اللي منك محروم
مشكور ع الصدمة عـسى الله يـسلمْك
وش حيلتي مادام هالشي مقسوم
و قد آثرت قريحتي إلاّ أن ترد على أبياته الرائعة بهذه الأبيات المتواضعة
عيدك مبارك يالهبيّب ولا اعدمْك
والله يجيرك م البلاوي و لهموم
و الله يصد الحاسد ان كان يسقمْك
تفداك روح الخوي من دايم الدوم
الحب نعمة بس الأقدار تحرمْك
ولا ينولك غير لي صار مقسوم
وربك كريم إدعي الصبر يلهمْك
واللي تعدّى طيحتك زادك عزوم
ولا يبعثر هيبتك من لا يوالمْك
ترى الجِيَف م يلوفها غير لرخوم
فتقبلوا تحياتي جميعاً .. وتحية كبرى لصديقي " شاعر العين "
قسم الشعر القصيد
ردي المتواضع على قصيدة أخي "شاعر العين " جيتك في ثاني العيد "
✍ رفيع الشان👁 1,769 مشاهدة