تمنيتڪ علي تقبل .. أشوفڪ مبتسم فرحان
وأشوف اهلڪ يغنوا لڪ ولدروبي يزفونڪ..
وتزيد بقلبي نبضاته ويحمر وجهي الخجلان
ويرعش جسمي بقدومڪ وأقول امشي على هونڪ
واملاڪ السما تحفڪ بنور الرازق المنان
عليڪ اسم الله يـالغالي.. وعمت عين لــ يحسدونڪ
تسابق لجلي خطواتڪ تجيني محترق لهفان
وأحط يدي على قلبي واقولّه جاڪ مفتونڪ
وتفتح طرحتي بيدّڪ وأتوهـ بسحرك الفتان
ياعمري والله خجلانة وميته بنظرة عيونڪ…,
يريحني ڪلامڪ لي يمحلا ليلة العرسان..؛
وتعاهدني بتوفي لي وأعاهدڪ أني ما أخونڪ
مضى عمري وأنا احلم واظم طيوفه بالأحضان
واسأل ليلى يا ليلى شسويتي بمجنونڪ..×
تحقق نصف حلمي بك وشفتك مقبل وفرحان
وشفت اهلك يغنوا لك…..وللحلوة يزفونڪ{ }
خنقت بنفسي عبراتي وخنقني قلبي الغيران
وحبست دموعي في عيني وقلت امشي على هونڪ ..؛
فضحني صوت شهقاتي ورجيت الواحد الديان
يخليها ويقدرني أضمّد جرحي من دونڪ..,
أشوف شلون تضحك لك وقلبي يشتعل نيرآآآآن
دعيت الله يهنيها معاك وتجلي شجونڪ..}
وأنا منهو يهنيني ويداوي قلبي الوجعان
أنا ونيت يوم أني سمعت إخواني يطرونڪ
غديت بغبنتي وحنّيت وصفت إحساسي للجدران
رحلت وربي ما ضنيت مصيري غيري تصونڪ
وناديتك ولا لبيت وتخالط شوقي بالهجران
بتنهيدة أنا ترجيت لي ربعي يجيبونڪ
يقولون ادفني ذكره يقولون انسي اللي خان
قسم بالله ما بنساك ولو هالكون ينسونڪ{ }
تروف بحالتي سارة وتحلف والله هو خسران
يواسوني رفيقاتي يقولن ڪلنا عونڪ
كبيرة .. بعين كل ربعي أموت وعزي ماينهان
كذا تخليني أصغرهم مع " فلانة " يلقونڪ ؟؟
{ .. أنا مابي مهر منك ولا شبكة ولا فستان ..
طموحي احتضن حزنك وازين بالهنا كونڪ
منقول
قسم الشعر القصيد
أنا مابي مهر منك ولا شبكة ولا فستان!!!!!!!
✍ دمعة احساس👁 897 مشاهدة