تعَبت أشيل الهَم عنّك وأداريك
وإنتَ همومي ثقلَهَا ما يهمِّك !
لا يا ( حبيبي) .. الزمن لا يخليك
تقسى على قلبي وتسقيه سِمِّك !
[ دِ نْ يَ ا كْ ] هذي , لا تغيِّر مباديك
مهما إستطعت الظلم إعدل بحكمك !
ما هي غريبه من يذمِّك يماشيك
لكن غريبه يمدحك من يذمِّك !!
ما كل واحد غاب معناه ناسيك
بعض البشر ينساك لو كان يمِّك !
أدري تعزني .. الله يعز غاليك
وإن كان لي عندك معزَّه بضمك !
في خاطري كم كلمةٍ : عن تجافيك
وإن شفت دمعاتي إنزَلَت .. حط كمِّك !
إسمك حبيبي ويا كثِرها أساميك
وقلبي يفز .. لا جابوا الناس إسمك !
ليتك تحس في ضيقتي يوم أحاتيك
أحرق لك أعصابي .. وما حَس دمِّك !
غايب بدون أعذار .. ربِّي يجازيك
عطني سبب مُقنع حبيبي .. وألمكّ !
همِّك , جنونك , ضحكتك , كل ما فيك
صوتك , سكوتك , وأرجع أقول :
( ه مِّ كْ ) !
bresteeg999
منِّك غير .. لمَّا أناديك
كل الكلام العَذب … مرساه فمِّك !
مهما غلوك قلوب ناسٍ حواليك
أغليك أكثر منِّهُم بس .. لعلمك !
أبوك , خالك , إختك , أخوك , ماضيك
ربعك ، جميع الناس, وعيال عمِّك !
شايف غلاهم لِك .. أكثر أنا أغليك
واللِّي وِصَل ( نِص الغلا ) يمكن أمّك !
bresteeg999
منقول
قسم الشعر القصيد
في خاطري كم كلمةٍ : عن تجافيك
✍ قصيد👁 576 مشاهدة