وحنا صغار *بركات الشمري*

وحنا صغار ..
زرعنا في تراب الحلم … حلْم ويشْبه العُصفور ..!
لكن طار…!
وكنّا صغار
آخذ شنطة أحلامي على أكْتافي ..
وأصحّي بـخطْوتي درْب طويل ومظْلم وغافي ,,
وتصحى أشْجار !!
وأروح أمشي لـ مدرستي ..
وأناديها ://
يامدرستي .. علامك ماتنفستي !؟
سوالف طفل ضحكاته أناشيد وغنا وأمطار..،
متى نرحل عن أسْوارك ..
بعد ماكنّا شطّارك ..
نبي مره ولو مره نحس … إنّا غدِينا كبار !!
هِنا كانوا لي أصحابي ..
هِنا ضاعوا مع ألْعابي ..!
هِنا ياكم نخبّّي من براءة فـ علبة الأسرار !
وصرْنا مثل ماكنّا نتمنّى..,
والغريب اشْـ صار !!
رجعْنا كبار تنمنّى لو إنّا بسْ بقِينا
………….. صغَار !!