قصيده قديمه من كتاباتي اتمنى تعجبكم …
لا تتعبي نظر عينك يا ذا الهنوف !!!
ما عاد تذبحني سهوم تجيني من عيونك
أنكشفت وبانت الاعيبك , وبت معروف
تخون الود , وأنا مغمض عيوني وأصونك
اليوم بنساك ، و يبقسى ذاك القلب العطوف
ولاني بميت …. يا هنوف من دونك
وقبل أوادعك نتحاسب … وعلى المكشوف
لك ديون بتدفعها , وما أرحمك لو قلت هونك
وساعتها تذكر حب مضى… وضيعته يا حسوف
أبدلتني بغيري ,أشتروك … واليوم يرمونك
زرعت وبالآخر أندم ,,,,, وأصفق الكفوف
وأتحسـر….. ذبل وردي على غصونك
لا تحاول تنتخيني ما عدت مقيد ومكتوف
وكيف أنسى غدرك وجرحك …. وطعونك
أنا تغيرت بكل شي ,تعال وأنت تقتنع وتشوف
ما أنت الوحيد لي تغيربك أسلوبك ولونك
والله حسافه جمالك وحسنك والطيوف
تضيعها بقلب ميت وراس مابه إلا جنونك
ما عاد يذكرني بك إلا ورق على الرفوف
وباكر ينتهي , وأنسى أني كنت مجنونك
حاولت أخبي جروحي منك , بس تفضحني الحروف
أنتزع همي يا حبر ,,, كـــــــــــــل دمعاتي يفدونك
لا تتعبي نظر عينك يا ذا…. الهـــــــــــنوف
وناظري جلادك اليوم … البارحه كان مسجونك
قسم الشعر القصيد
(( الهنــــوف ))
✍ غمضاوي👁 2,096 مشاهدة