المحبة مقادير

الحب نعمة والمحبة مقادير
والنفس بالهمة تحصل قدرها
صابر على نار الوله والمشاوير
ماأدري انا نفسي وش جبرها
من حبة المجنون صغت التعابير
والعين تشكي من مواجع سهرها
لاجيت أبي أشوفة خلق لي المعاذير
ما أدري غلا..نفسي تعمد قهرها
طيفة في وسط العين ضاهي المزاهير
ماودها ياغير تنظر قمرها
ماطاعت عيني تشوف الغنادير
الله حسيبه كيف عيني سحرها
ياصبح عيني هات منه تناشير
خير يفرج عن حياتي كدرها
بيني وبينة ود ماله تفاسير
وعلاقتي به خافقي ماظهرها
في شان وده ماحسبت المخاسير
ودامة معي ماني محاتي خسرها