إهــداء أرجوا أن ينال استحسانكم
لـفـكـار بي قـامت تـثـور
وسـط الحشى ناري سعير
شـبانـنا جـيـش(ن) نـفـور
قـيـدوم لو حـز الـنـفـيــر
كـمزار يا الـمـجـد الــطـهور
كمـزار يا المـجـد الـمـنـير
ارجالـهـا لـو ع الـنـحــور
شجـعان م يهابـو الـمغـير
يا كـم على ذيـك الـثـغـور
خلـوا العـدو حاله كـسـير
لـعـديـد والمقـطـع عـبور
خـمسـين راحوا بالمسير
تشهـد على الغونـه سطور
صالح شهد صلح(ن) كبـير
ما تنـسى افعال الجسـور
لي شـرفوا البثنه عـصـير
جيشـه علا وأعلن حصور
خلا الخصم جيشه حصير
وياكم على البـدبد دهـور
راحت ولا راح الأثـيـر
ما هـمنا قـولاً وزور
فيها دبا قول الصغير
حكام هم فيها عصور
أبداه كانوا أو حضير
يا جاهل بكل العصور
خذ هالنبا يعلك تـنـير
ألنا مـشايخ ما تـبـور
ولا تنسى مهما يصـير
قالوا خصب ألها حضور
فيـنـيق في كتبة يشير
ولا تـنـسى دار الصـقور
أعني بـخـا دار الحسـيـر
واللي بها اسـكـنـدر عبور
أعني دبا وقـبر الأمـير
شحي وحبسي مع ظهور
كلنا أهل شـف ونصير
يمكن على بعض الأمور
جد نخـتـلف بس المصير
واحد وحـنـا بـه فخـور
كلنا أهل بطن وظهير
?الأزد
1/6/2013
قسم الشعر القصيد
قصيدة كلنا اهل ..
✍ التاجر الصغير👁 1,173 مشاهدة