قسم الشعر القصيد
حظ آلهوآ الليّ تعيشَ به بس حظآه
✍ قصيد👁 337 مشاهدة
لحدن ٍ يحاكيني ترى الخاطر اقصاه
والدمع . . يا قلب العنا مايطيبك
حتى لو ابكي وش ورى دمعي و ماه
ويلي على ادري ويش قلبي يبي بك
تطري علي والقلب ماجاه كفاه
غايب ولكن غيبتك ما تغيبك
خذيت تلفوني القديم اتقراه
الين فاحت شاشته ريح طيبك
رقمك ، مسجاتك ، وصوتك وطرياه
كن الطيوف اقبال عيني تجيبك
لابوك يالتلفون ماتسمع الآآه
في ذمتي انك صدق ضيعتني بك
متعومسْ الخاطر وياقلب ويلاه
ماقد ذبحني الا سكوتك و طيبك
والا انت يا لاهي ولا ادري وش ألهآه
طف ِ بوصالك مابقى من لهيبك
ياحبك لقطع المواصيل حباه
قطعت قلبي منك لا قطع صيبك
وسويت فيّ اللي سواتك ماسواه
واتحملك مهما جرى و ارتضي بك
ياذابحي ياصبر ذا القلب صبراه
ذبحته بكفك وهو ملتجي بك
بتروح..؟ روح و دربك الله يرعاه
لو ابغى اجيبك اعرف وشلون اجيبك
در في ثرى الدنيا و مثلي ما تلقاه
تبطي عظم ماشفت زولن يذيبك
حظ الهوا اللي اتعيش به بس حظاه
لانه الوحيد اللي قدر يختلي بك
ادرى عليك من الهوا و اتحاشاه
واروف بك و اهيم بك و اعتني بك
لانك سحاوي و السحى يكسر اجباه
وشلون ماتبغي الهوا يستحي بك
عيبي احبك لو غرامك معاناه
وانت الغياب اللي بلا عذر عيبك
اضيق من جفواك و اجرها اااه
اخاف من غدر الزمان يغدي بك
لو انك تدري خاطري عقبك اش جاه
يمكن تنوح الليل و اتطر جيبك
اشره على الحب الي عطيتك اياه
ملعون حظ ٍ حط ْحبي نصيبك
هملتني بين الامل و المحاتاه
مدري عدوك صرت ولا حبيبك !!
لـ / حمدَ البريديَ
أتمننننى أن ترتقي لذآئقتكم